डाइफेनब्याकिया (डम्ब केन)

यसको वैज्ञानिक Dieffenbachia seguine  नाम हो। यो बिरुवामा पनि
क्याल्सियम अक्जालेट तत्व पाइने भएकोले यसको सम्पर्कमा आएमा छालाको
एलर्जि हुन सक्दछ । अचेल यसको थुप्रै हाइब्रिड जातहरुको विकास गरिएको छ ।
ठूला ठूला पातहरुमा सेतो धर्सा वा धब्बा हुने भएकोले यो निकै आकर्षक र
लोकप्रिय इन्डोर बिरुवा मानिन्छ ।

यसलाई हल्कादेखि मध्यम उज्यालो आवश्यक पर्दछ ।   झ्यालको नजिक राख्दा यो राम्ररी फष्टाउँछ । तापक्रम १८–२७ डि.से. उपयुक्त हुन्छ । वसन्त र गृष्म महिनामा २ हप्तामा एक पटक तथा हिउँदमा महिनाको १ पटक  नाइट्रोजनको मात्रा बढी भएको मल हाल्नु पर्दछ । पानी हाल्दा हल्का भिज्ने गरी तर बढी नहुने गरी हाल्नु पर्दछ ।

प्रत्येक वर्ष वसन्त ऋतुमा रिपटिङ्ग गर्नु पर्दछ । यसको प्रसारण डाँठको टुप्पाको कटिङ्गबाट सजिलै गर्न सकिन्छ ।    नयाँ पालुवालाई माउबोटबाट छुट्याउने र त्यसको टुप्पातिरको २ वटा पात राखेर अरु पात हटाई रुटिङ्ग   मिडियामा राखेमा १ देखि २ महिनामा जरा हाल्दछ ।   त्यसैगरी यसकोपुरानो छिप्पिएको डाँठको कम्तीमा २ वटा आँख्ला भएको टुक्रालाई पनिमिडियामा रोपेर नयाँ बिरुवा बनाउन सकिन्छ ।

Source : स्रोत  पुष्प विकास केन्द्र, गोदावरी